VALE DA AMOREIRA STÓRIAS DI UN BAIRU EN MOVIMENTU

Vale da Amoreira: Vale Da Amoreira: Stórias di un Bairu en Movimentu

​

​

Es spuzison (bilingi purtuges y kabu-verdianu) ta kunbida-nu konxi Vale da Amoreira – si stória, ses genti y ses lutas. Nasidu na ánus 1970, en plenu diskolonizason y Ravoluson di Abril, Vale bira kaza di ritornadus, migrantis internu y imigrantis afrikanu. Entri diversidadi kultural y tenson sosial, abandonu statal y rinvenson kumunitáriu,  Vale ben ta afirma komu un tiritóriu vivu, kriativu y plural. Atraves di etnografia, tistimunhus, dukumentus di arkivu, fotografia y intervenson artístiku, es spuzison ta mostra un bairu txeu bés stigmatizadu, ma isensial pa konprendi marjens urbanu en transformason na Portugal di gósi – y pa imajina, a partir des, futurus más justu y kumum. 

 

Ku kordenason di Elsa Peralta y fotografia di Bruno Simões Castanheira, es spuzison ta integra inda un puema orijinal di Joãozinho da Costa y un intervenson artístiku di Pedro Pinhal – dós artistas ki kiria na Vale da Amoreira. Más ki rivizita pasadu, kel-li é un spuzison fetu ku y pa ken ki ta vivi na Vale da Amoreira, kruzandu mimória, pertensa y rizisténsia.

​